افضل اشتراك 4G في السعودية وطريقة اعدادات الراوتر للاتصال الأسرع

افضل اشتراك 4G في السعودية وطريقة اعدادات الراوتر للاتصال الأسرع

مودم STC 4G + اعدادات صح = حياة آسهل +(آنتينا 4G) عشان تكون حياتك اسهل واجمل ^_^. وانا هنا مالي علاقة باي شي ثاني بالشركة فقط حول خدمة 4G والباقي مادري عنه.

4G من STC هو الافضل الان بدون اي مقارنة وماعليك من الي يقول غير هذا الكلام وانا رايح اثبت لكم هذا الشي. تستخدم STC لبث اشارة الفور جي طريقتين: تردد 1800 (FDD) وتردد 2300 (TDD) وايضا مع الراوتر المطور E5172-927 الي يدعم الترددين. مشكلتها الوحيدة اتوقع انها لا تمكن NAT Type 2 الضروري لمن يلعب أون لاين. ( بحسب ما قرأنا ان الشركة تعمل على تصحيح هذه المشكلة )

تردد 2300 هو التردد المستقبلي لكن يحتاج فقط بعض الوقت. 1800 دعمته STC لان اغلب الهواتف الذكية زي الايفون تقبل هذا التردد فقط للفور جي.

نرجع للموضوع كيف تجعل حياتك اسهل مع راوتر STC. زي ماذكرت ان راوتر STC المطور E5172-927 ثنائي تردد يدعم 1800 , 2300 ولكن ما تقدر تحدد على اي تردد يشبك الراوتر يختار التردد تقائيا. في الحي الي ساكن انا فيه يدعم الترددين لكن معروف ان تردد 1800 افضل من 2300 لانه دائما اسرع في التحميل والرفع. تردد 2300 يمكن يكون افضل في التحميل لكن ضعيف جدا في الرفع وممكن يكون التحميل ضعيف ايضا. بس عمومن 1800 يعتبر افضل بس المشكلة ان رواتر STC دائما يشبك على 2300 وهذا يسبب مشكلة في سرعة التحميل عندك تحصلها 2 ميقا اكثر شي تقدر تعمل تحويل يدوي لكن فيها حوسة ويمكن يشبك ويمكن لا. عشان كذا في اكو حل بسيط لهالمشكلة هو تثبيت تردد 1800 على المودم للابد. كيف تعرف ان الراوتر شابك على تردد 2300 او 1800 من صفحة اعدادات الراوتر الصفحة الرئيسية > نظرة عامة وشوف نمط الشبكة اذا كان FDD يعني شابك على تردد 1800 واذا كان TDD يعني شابك على تردد 2300.

رايح اعطيكم الطريقة الكاملة لاعداد مثالي لراوتر STC بحسب التغطية في منطقتك لتحقيق استفادة كاملة من قوة 4G لسرعة وحياة انترنتيه افضل واسهل.

طريقة تثبيت تردد 1800 لراوتر STC المطور E5172s-927

المتطلبات:

اول شي مهم لازم تتاكد ان الراوتر يكون المطور موديل E5172-927 يدعم ثنائي التردد 1800 و 2600. الراوتر القديم موديله E5172-920 تردد واحد فقط 2300 ولا يدعم التردد 1800. بالنسبة للي عندهم الرواتر القديم E5172-920 هذا له طريقة مختلفة تحصلها تحت اطمر هذا كله وروح هناك. (كيف تعرف موديل الراوتر حقك من الكرتون حقه مكتوب على الجنب او مكتوب تحت الرواتر نفسه Model).

تكون المنطقة مغطاة بالتردد 1800 من خلال البحث في خريطة الاتصالات السعودية بالرابط. اضغط لين توصل للحي الي ساكن فيه بعدين اضغط الزر اليمين رايح يقولك وش الترددات المدعومة عندك.

التحميل:

تحميل هذا الملف الي فيه كامل التحديثات الي راح نحتاجها في الشرح حجم الملف 198 ميقا. بعد التحميل فك الضغط عن الملف وبتحصل مجلد اسمه 1800 for stc e5172-927 اسحبه على سطح المكتب كامل.

الطريقة:

ندخل صفحة اعدادات المودم اضغط هنا.

شي مهم لازم تكون شابك الراوتر بالكمبيوتر بالسلك الاصفر, ما تعمل التحديث وانت شابك واي فاي.

اكتب اليوزر والباس admin بعدين روح عند الصفحة الرئيسية واضغط على تحديث > تحت تحديث محلي اضغط Choose File ومن المجلد الي حطيته بسطح المكتب ادخل على مجلد a واختار الملف 1.BIN بعدين اضغط تحديث. (هذا التحديث المضاد عشان نقدر نركب اي تحديث نبغا غير الاتصالات).

بعد مايخلص التحديث ادخل مرة ثانية على اعدادات المودم ونفس الطريقة الي قبل شوي حقت التحديث لكن اختار الملف الثاني 2.BIN . (هذا هو تحديث الاصدار العالمي للراوتر).

بعدها اذا خلص محمل التحديث الثاني ادخل على اعدادات المودم ونفس طريقة التحديث الي قبل لكن هالمرة ادخل مجلد b واختار الملف الي بداخله اسمه طويل شوي ومافيه غيرة واحد. (هذا تحديث الاصدار السيرلانكي).

بعد مايخلص محمل اخر تحديث الثالث يكون ثبت الجهاز على تردد 1800 لان الشركة السيرلانكيه تدعم فقط 1800.

للعودة الى اصدار STC الاصلي. 1- تثبيت التحديث المضاد للاصدار السيرلانكي الموجود في مجلد c, بعد كذا 2- حدث المودم للاصدار الاخير ل STC الموجود في مجلد d.

الان باقي شي واحد مهم وهو ضبط اعدادات الراوتر الصحيحية, من صفحة اعدادات الراوتر اضغط على Internet > Network Connection وغير الاعدادات نفس الي بالصورة تحت عندك بعدين اضغط Submit.

طريقة تحديث رواتر E5172-920 الى E5172-927 المطور

طبعا الراوتر القديم موديل E5172-920 هذا يدعم تردد واحد فقط 2300 واصدرت مؤخرن STC الراوتر المطور موديل E5172-927 وهو نسخة طبق الاصل من الي قبل لكن الفرق انه ثنائي التردد ويدعم 1800 و 2300. لكن في اسطورة تقول ان ثبيت تحديث الرواتر المطور على القديم يحسن من سرعة الاتصال ويرفع الابراج ايضا.

-

الطريقة:

تحميل التحديث المضاد (هذا لازم تحمله اول على الراوتر حق STC عشان يقبل معاك تثبيت اي تحديث ثاني وطريقة تثبيت التحديث شرحتها فوق تحصلها.).

تحميل التحديث المطور الجديد لرواتر E5172-920 (تاكد من رقم الموديل على الكرتون او تحت الراوتر مكتوب).

الان روح سبيد تتش وشوف اذا تغيرت السرعة عندك او حتى الابراج ارتفعت شوي بنفس الراوتر.

اذا ماعجبك التحديث تقدر ترجع لنسخة STC الاصلية حملها من هنا (لازم تحدث الراوتر للتحديث المضاد اول وبعديم تثبت اي تحديث يعجبك).

الزبدة بالنهاية, STC هي الافضل ولا تقول لا انا عندي اشتراك من زين او موبايلي ومبسوط وتمام عندي السرعة لانه ملعوب عليك صدقني ومب لازم تاخذ اشتراك بالشهور روح اي محل وخذ لك شريحة ب 30 ريال وجرب التغطية والسرعة عندك.

الخلاصة ان السر هناك يكمن في التغطية منطقتك للترددات واكيد الافضل في ثبات سرعة التحميل والرفع تردد 1800 وهذا التردد عن جميع الشركات STC وموبايلي وزين غير مدعوم في القرى والمحافظات الصغيرة ومناطق كاملة غير مدعوم فيها. وبهذي الحالة الافضل تشبك على 3G لانه رايح يكون اسرع وافضل.

قبل انسى في شي مهم رايح يوفر عليك فلوسك شوي بدال ماتدفع حق اشتراك 4G + الراوتر الجديد ممكن ان توفر على نفسك 300 ريال بطريقة بسيطة. اجهزة الراوتر التي تباع عند شركات الاتصال تكون مشفرة ولا تعمل الى على شريحة من نفس الشركة لكن يمكن فك التشفير ببساطة عن طريق ادخال كود فك التشفير بلوحة التحكم للراوتر وبعدها يصبح يدعم جميع الشركات على الترددات المدعومة في نفس الجهاز.

سعر الراوتر عند شركات الاتصال دائما ارخص من سعره في السوق لذلك احرص على شرائة من شركات الاتصال لتوفير المال. ابحث عن الراوتر الافضل بغض النظر عن الشركة التي تبيعة لان تقدر تفك تشفيره والاستفادة منه بشريحة لشركة اخرى.

جدول يوضح اهم اجهزة الراوتر والمودم المتوفرة في السعودية مع الترددات التي تدعمها:

اخيرا اذا ماضبط معاك شي من الطرق السابقة الي ذكرتها تغيير التردد او التحديث فيه اشياء ثانية مثل الغاء الجيل الرابع من الشريحة بارسال رسالة نصية من نفس صفحة اعدادات الراوتر وبعدين تفعلها اقين وهذا لا يؤدي الى الغاء الاشتراك بالانترنت.

استخدام الانتينا Antenna وهو لبث مدى للوايرليس وكل انتيل يبث بجهة ومدى معين ليصبح المدى مضاعف عن الانتيل الواحد هناك انواع داخلي وخارجي -الداخلي يكون مثل الانتل صغير توصله مباشرة على الراوتر, والخارجي تحطة في مكان مرتفع مثل سطح البيت لالتقاط اشارة افضل. اذن هو لنقل الاشارة فقط ولايقوي الانترنت ولا شي.

متى تستخدم؟ اذا كان الراوتر عندك يعطي اقل من ثلاث ابراج في هذي الحالة يصبح الانتينا مفيد ومهم ايضا. لكن لو كنت في الرياض والابراج عندك فل على الراوتر صدقني ماراح تشعر غير بحسرة ال 400 ريال الي دفعتها فيه. اشهرها يمكن في السعودية اسمه WILSON Antenna ويلسون ويدعم التردد من 700 الى 2700 تحصله في امازون تقريبا سعرة 200 ريال اما في السوق هنا يوصل حدود 400 ريال ويكون غالبا يعني بعد التركيب بهذا الشكل.

هذا هو أسرع راوتر واي فاي في العالم من ASUS … في الوقت الراهن

وايضا اصبح الان هناك LTE Advance الفور جي المتقدم التقنية الجديده الي قالوا انها راح تنزل في عام 2015 والمسماة بـ LTE Advance لكن في Wiki تفاجأت ان هالتقنية خلاص نازله في بلدان ثانيه مثل روسيا والتشيك والمانيا والسرعات وصلت ل 300 ميقا في الثانيه.

منقول للأمانة

من فضلك شارك هذا الموضوع اذا اعجبك

الموضوع من طرف: امين محمد

محمد امين 24 سنة ،مدون جزائري مهووس بجديد تكنولوجيا المعلوميات ، مهتم بتطوير المواقع والتجارة الالكترونية يمكنك متابعته من خلال الفيسبوك . تويتر . جوجل بلس

ضع تعليقا أخي الكريم